“Bir farzandga uch kitob” aksiyasi o’tkazildi

5-umumta’lim maktabida o’quv yili boshidan buyon kitob mutoalasini rivojlantirishga qaratilgan bir qator tadbir va tanlovlar o’tkazilmoqda. “Kitobsevar bolalar”,”Kitob ezgulik targ’ibotchisi  ” mavzularida o’tkazilgan taqdimot va tanlovlar ham shular jumlasidandir. Xususan   “Bir farzandga uch kitob” hamda    “Farzandim maktabiga kitob  sovg’a   qilaman” aksiyalarining o’tkazilishi ham kitob targ’ibotining samarali usullaridan bo’ldi,deyish mumkin. Aksiya 10-aprel kuni soat 10:00  da  boshlanib unda ota-onalar,  “Kamolot”  kitob do’koni xodimlari qatnashishdi. Kitoblar savdosi shu yerda yo’lga qo’yilganligi ota-onalarga ham qulaylik tug’dirdi. Ular farzandlari uchun shu yerning o’zida kitob xarid qilib,farzandlarining maktabi va kitobjavonida kitoblar sovg’a qilishdi. Bu aksiyada fan o’qituvchilari ham faol qatnashib,o’z o’quchisiga kitoblar sovg’a qilishgani barchaning e’tirofiga sazovor bo’ldi. Yig’ilganlar o’quvchilar dunyoqarashiga ijobiy ta’sir etuvchi bunday aksiya tashkil etgan tashkilotchilarga,maktab kutubxonachisi Akbarova M ga o’z minnaddorligini bildiradi.